នៅលើរេញទូរទស្សន៍ប៉ុស្ដិ៍លេខ៥ ថ្ងៃសុក្របង្ហាញគូប្រកួតជើងខ្លាំង២គូ
កីឡាករ ពេជ្រ សុផាន់ ជួប ភុំ សារ៉ាយ
ខណៈកីឡាករ ឃឹម ពេជ្រចិន្ដា ជួប វង្ស ណយ
កីឡាករ ពេជ្រ សុផាន់ កីឡាករ ភុំ សារ៉ាយ កីឡាករ ឃឹម ពេជ្រចិន្ដា កីឡាករ វង្ស ណយ
កីឡាករ ពេជ្រ សុផាន់ កីឡាករ ភុំ សារ៉ាយ កីឡាករ ឃឹម ពេជ្រចិន្ដា កីឡាករ វង្ស ណយ
រាជធានីភ្នំពេញ ៖ ភុំ សារ៉ាយ ក្លឹបរាជសីហ៍ក្រសួងមហាផ្ទៃ ត្រូវបានគណៈកម្មការរៀបចំកម្មវិធី ប្រកួតប្រដាល់ប៉ុស្ដិ៍លេខ៥ ផ្គូផ្គងឱ្យជួបប្រកួតជាមួយពេជ្រ សុផាន់ សមាគមកីឡាកងយោធពល ខេមរភូមិន្ទ នាល្ងាចថ្ងៃសុក្រ ទី២៥ ខែឧសភា ខាងមុខនេះ ។ ភុំ សារ៉ាយ ទោះបីជាគេមានវ័យ ចំណាស់បន្ដិចក៏ដោយ ក៏គូប្រកួតរបស់គេតែងតែមានការកោតញញើតចំពោះល្បិចប្រយុទ្ធរបស់គេដែរ ពី ព្រោះគេជាអ្នកប្រដាល់មួយរូបដែលល្បីល្បាញ ក្នុងការប្រើបច្ចេកទេសប្រយុទ្ធប្លែកៗ នៅលើសង្វៀនដូចជា ការប្រើស្នៀតជង្គង់ហោះ លោតទាត់ផ្កាប់ចានជាដើម រីឯស្នៀតកណ្ដាប់ដៃរបស់គេទៀតសោតកាន់តែ ខ្លាំងក្លាថែមទៀត ។
សារ៉ាយ កាលពីលេចមុខនៅលើសង្វៀនភ្នំពេញដំបូងអត់មានអ្នកប្រដាល់ណាបង្ក្រាបគេបានឡើយ តែពេល ក្រោយមកគេរាងអន់បន្ដិច ។ ការមកប៉ះជាមួយសុផាន់ លើកនេះក៏មិនមែនជារឿងធម្មតាប៉ុន្មានដែរ ដោយសារតែសុផាន់ជាអ្នកប្រដាល់ជើងខ្លាំងម្នាក់ ដែលមិនងាយស្រួលក្នុងការបង្ក្រាបដូចអ្នកប្រដាល់ដទៃ ទៀតប៉ុន្មានទេ ។ សុផាន់ មានមាឌស្គមជាងសារ៉ាយមែន តែគេមានប្រៀបខាងកំពស់ ចំណែកឯស្នៀត ប្រយុទ្ធរបស់គេវិញក៏មិនអន់ដែរ។ ដូច្នេះការជួបប្រយុទ្ធគ្នារវាងខ្លាកំណាចទាំង២នេះ គេមិនហ៊ានធ្វើការ ទស្សន៍ទាយទុកមុនបានទេ ទោះបីជាអ្នក គាំទ្រម្ខាងៗអួតពីកីឡាកររបស់ពួកគេយ៉ាងណាក៏ដោយ ។
ឃឹម ពេជ្រចិន្ដា ក្លឹបបុរីនាគរាជ ត្រូវជួបប្រកួតសាកថ្វីដៃគ្នាជាមួយវង្ស ណយ ក្លឹបក្រុងប៉ៃលិន ។ ឃឹម ពេជ្រចិន្ដា មានសំណាងបានឡើងសង្វៀនប្រកួតញឹកញាប់ណាស់ ផ្ទុយពីវង្ស ណយ ដែលយូរៗទើបឃើញ លេចមុខនៅលើសង្វៀនភ្នំពេញម្ដង។ ទោះបីជាយ៉ាងណា គូនេះសុទ្ធតែជាអ្នកប្រដាល់ជើងថ្មីដូចគ្នា ប៉ុន្ដែ ពួកគេមានល្បិចប្រយុទ្ធល្អមិនចាញ់ពួករៀមច្បងប៉ុន្មានទេ ឬមានពេលខ្លះគេវាយបានល្អជាងរៀមច្បងមុនៗ ទៀតផង។ ហេតុនេះហើយ ទើបគូនេះអ្នកតាមដានការប្រកួតកីឡាប្រដាល់ក្បាច់ខ្មែរបុរាណមិនហ៊ាន វាយតំលៃថា អ្នកណាជាអ្នកឈ្នះ ឬក៏ចាញ់នោះ ។ ប៉ុន្ដែអ្នកប្រដាល់ទាំង២គូនេះ គណៈកម្មការ រៀបចំការប្រកួតសង្ឃឹមថា ពួកគេនឹងធ្វើឱ្យសង្វៀនប៉ុស្ដិ៍លេខ៥កក្រើករញ្ជួយជាមិនខាន ។
ក្រៅពីអ្នកប្រដាល់ជើងខ្លាំងទាំង៤រូបខាងលើនេះ ក៏មានអ្នកប្រដាល់ជើងថ្មីល្អៗមកចូលរួមប្រកួតនាថ្ងៃ នោះដែរដូចជាអេ ពិសី ក្លឹបអេភូថង ទន្លេបាសាក់ត្រូវជួបប្រកួតជាមួយ ផេង ណារុន ក្លឹបតាព្រហ្មមាន ឫទ្ធិ។ ឯសួន សំណាង ក្លឹបកងកេងខេត្ដបាត់ដំបងត្រូវជួបប្រកួតជាមួយ ខុន មករា ក្លឹបខេមបុក្ស។ ចំណែក ណាំ ធឿន ក្លឹបរាជសីហ៍ ត្រូវឡើងប្រយុទ្ធជាមួយ រិទ្ធិ ដារ៉ា ក្លឹបពន្លឺមានឫទ្ធិ ។
Labels: កីឡា
for this post
Leave a Reply