បុរសជាប់ចោទពីបទជួញដូរថ្នាំញៀនត្រូវបាញ់បាក់ភ្លៅ
រាជធានីភ្នំពេញ ៖ បុរសម្នាក់ដែលគេអះអាងថា ជាប់ពាក់ព័ន្ធនឹងការជួញដូរថ្នាំញៀនត្រូវបានកម្លាំង ប៉ូលិសរបស់មន្ទីរប្រឆាំងគ្រឿងញៀននៃក្រសួងមហាផ្ទៃបាញ់បាក់ភ្លៅនៅក្នុងភូមិសាស្ដ្រ សង្កាត់ទំនប់ទឹក ខណ្ឌចំការមន ក្រុងភ្នំពេញ ហើយបញ្ជូនទៅមន្ទីរពេទ្យកាល់ម៉ែត កាលពីវេលាម៉ោង១១ និង៣០នាទីព្រឹក ថ្ងៃទី៥ មិថុនា ២០០៧ ក្រោមកិច្ចការពារពីកម្លាំងប៉ូលិសជាច្រើន និងមានការរារាំងមិនឱ្យអ្នក កាសែតថតរូប និងមិនផ្ដល់ព័ត៌មាននោះទេ ។ ជនជាប់ចោទជួញដូរគ្រឿងញៀនដែលត្រូវបាញ់បាក់ភ្លៅ នេះឈ្មោះហុង ប៊ុនថុង អាយុ៤២ឆ្នាំ ជាមន្ដ្រីប៉ូលិសនៅនាយកដ្ឋានប៉ូលិសទេសចរណ៍ក្រសួងមហាផ្ទៃ ។
ទាក់ទិននឹងការចុះបង្ក្រាបថ្នាំញៀន និងបាញ់ជនជាប់ចោទបាក់ភ្លៅនោះ ត្រូវបានសមត្ថកិច្ចមូលដ្ឋាន ឱ្យដឹងថា កន្លងមកក៏ដូចជាពេលនេះ កម្លាំងប៉ូលិសនៃមន្ទីរប្រឆាំងគ្រឿងញៀនក្រសួងមហាផ្ទៃចុះបង្ក្រាប មុខសញ្ញាគេមិនដែលសហការជាមួយសមត្ថកិច្ចមូលដ្ឋានទេ ដែលទំនងជាគេខ្លាចដណ្ដើមស្នាដៃ ។ មន្ដ្រី ប៉ូលិសមន្ទីរប្រឆាំងគ្រឿងញៀនបានព្យាយាមលាក់ព័ត៌មាន និងគំរាមមិនឱ្យអ្នកកាសែតថតរូបភាព ជនជាប់ ចោទនោះទេ ។ ការព្យាយាមសុំការបំភ្លឺពីមន្ដ្រីប៉ូលិសត្រូវបានបដិសេធមិនឆ្លើយតប ព្រមទាំងបណ្ដេញ ចេញក្រៅ ។
ការចុះបង្ក្រាបគ្រឿងញៀននៅក្នុងសង្កាត់ទំនប់ទឹក រហូតដល់មានការផ្ទុះអាវុធនេះ មិនត្រូវបានគេបញ្ជាក់ ឱ្យដឹងថាបង្ក្រាបថ្នាំញៀនបានប៉ុន្មានម៉ឺនគ្រាប់នោះទេ គឺហាក់ដូចជាមានអាថ៌កំបាំងអ្វីម្យ៉ាង ព្រោះជនជាប់ ចោទក៏ជាមន្ដ្រីប៉ូលិសដែរ ។
គួររំលឹកថា កាលពីថ្ងៃទី២៤ ឧសភា វេលាម៉ោង៤រសៀល មានករណីបង្ក្រាបការជួញដូរថ្នាំញៀន និង បាញ់សម្លាប់បុរសម្នាក់នៅក្នុងបន្ទប់នៃផ្ទះសំណាក់មួយនៅតាមបណ្ដោយផ្លូវលេខ៧០ ក្នុងសង្កាត់ទួលសង្កែ ខណ្ឌឫស្សីកែវ ក្រុងភ្នំពេញ ។ ដែលគេដឹងថា ការបង្ក្រាបនេះគឺជាកម្លាំងប៉ូលិសមន្ទីរប្រឆាំងគ្រឿងញៀន នៃក្រសួងមហាផ្ទៃ គឺពុំមានអាជ្ញាធរមូលដ្ឋានចូលរួមនោះទេ ដែលការចុះបង្ក្រាបនេះ សមត្ថកិច្ចដកហូត បានថ្នាំញៀនចំនួន១.៤០០គ្រាប់ ។ ដោយឡែកការចុះបង្ក្រាបថ្នាំញៀននៅក្នុងសង្កាត់ទំនប់ទឹក គេមិន បានប្រាប់ពីចំនួនថ្នាំញៀនឡើយ ។
ទាក់ទិននឹងការចុះបង្ក្រាបថ្នាំញៀន និងបាញ់ជនជាប់ចោទបាក់ភ្លៅនោះ ត្រូវបានសមត្ថកិច្ចមូលដ្ឋាន ឱ្យដឹងថា កន្លងមកក៏ដូចជាពេលនេះ កម្លាំងប៉ូលិសនៃមន្ទីរប្រឆាំងគ្រឿងញៀនក្រសួងមហាផ្ទៃចុះបង្ក្រាប មុខសញ្ញាគេមិនដែលសហការជាមួយសមត្ថកិច្ចមូលដ្ឋានទេ ដែលទំនងជាគេខ្លាចដណ្ដើមស្នាដៃ ។ មន្ដ្រី ប៉ូលិសមន្ទីរប្រឆាំងគ្រឿងញៀនបានព្យាយាមលាក់ព័ត៌មាន និងគំរាមមិនឱ្យអ្នកកាសែតថតរូបភាព ជនជាប់ ចោទនោះទេ ។ ការព្យាយាមសុំការបំភ្លឺពីមន្ដ្រីប៉ូលិសត្រូវបានបដិសេធមិនឆ្លើយតប ព្រមទាំងបណ្ដេញ ចេញក្រៅ ។
ការចុះបង្ក្រាបគ្រឿងញៀននៅក្នុងសង្កាត់ទំនប់ទឹក រហូតដល់មានការផ្ទុះអាវុធនេះ មិនត្រូវបានគេបញ្ជាក់ ឱ្យដឹងថាបង្ក្រាបថ្នាំញៀនបានប៉ុន្មានម៉ឺនគ្រាប់នោះទេ គឺហាក់ដូចជាមានអាថ៌កំបាំងអ្វីម្យ៉ាង ព្រោះជនជាប់ ចោទក៏ជាមន្ដ្រីប៉ូលិសដែរ ។
គួររំលឹកថា កាលពីថ្ងៃទី២៤ ឧសភា វេលាម៉ោង៤រសៀល មានករណីបង្ក្រាបការជួញដូរថ្នាំញៀន និង បាញ់សម្លាប់បុរសម្នាក់នៅក្នុងបន្ទប់នៃផ្ទះសំណាក់មួយនៅតាមបណ្ដោយផ្លូវលេខ៧០ ក្នុងសង្កាត់ទួលសង្កែ ខណ្ឌឫស្សីកែវ ក្រុងភ្នំពេញ ។ ដែលគេដឹងថា ការបង្ក្រាបនេះគឺជាកម្លាំងប៉ូលិសមន្ទីរប្រឆាំងគ្រឿងញៀន នៃក្រសួងមហាផ្ទៃ គឺពុំមានអាជ្ញាធរមូលដ្ឋានចូលរួមនោះទេ ដែលការចុះបង្ក្រាបនេះ សមត្ថកិច្ចដកហូត បានថ្នាំញៀនចំនួន១.៤០០គ្រាប់ ។ ដោយឡែកការចុះបង្ក្រាបថ្នាំញៀននៅក្នុងសង្កាត់ទំនប់ទឹក គេមិន បានប្រាប់ពីចំនួនថ្នាំញៀនឡើយ ។
Labels: សណ្ដាប់ធ្នាប់, សន្តិសុខ
for this post
Leave a Reply